Îstanbul de weçînayîşê 31ê Adare ra dima vera şîyês şaredarîyanê CHPî operasyon ameyî destpêkerdiş. Pa Serekê Şaredarîya Bajarê Girdî ya Îstanbulî (İBB) Ekrem İmamoğluyî, hîrês serekê weçînayeyî zindan de yenê girewtene. Bi tayînkerdişê qeyûman, weçînayîşê meclîsî û transferkerdişî, panc şaredarîyan dest vurna.
Îstanbul de weçînayîşê herêmî yê 31ê Adare 2024î de, CHPya ke serekîya Özgür Özelî de, şaredarîya bajarê girdî û vîst û şeş şaredarîyanê qezayan qezenc kerd. Hûmara şaredarîyanê ke AKPyî qezenc kerdî zî hîrês bî.
La dima weçînayîşê herêmî, bi operasyonanê ke ameybî destpêkerdiş, tayînkerdişê qeyûman, transferan û weçînayîşê meclîsê şaredarîye yê ke heta serkewtişî ameybî tekrarkerdiş, 5 şaredarîyan dest vurna.
Tewr peyên roja Çarşeme 29ê Temmuze de, pîya bi operasyono ke tede Sereka Şaredarîya Üsküdarî Sinem Dedetaş zî tede 6 kesî ameybî destbendkerdiş, Îstanbul de hûmara şaredarîyanê CHPyî yê ke vera înan operasyon ameyî destpêkerdiş vejîya şîyês. Hîrês serekê şaredarîyan zindan de yenê girewtene.