Qezaya Dîyarbekirî Çêrmûge de hetê Mudirîya Perwerdeyî ya Şarî ra semedê musayîşê Zazakî kursêk abîyo.
Aşkere bîyo ke Çêrmûge de dersê Zazakî do mîyanê hewteyî şan de peynîya hewteyî zî mîyanê rojî de bêrê dayîş.
Mudirê Merkezê Perwerdeyîya Şarî Îsa Yüksekkayayî da zanayîş ke, Çêrmûge de xora bi giranî Zazakî qisey bena û dersê Zazakî do hetê Nuştox û Momosta Şahap Laçînî ra bêrê dayîş.
Kursê Zazakî do bi sewîyaya A1 bêro dayîş û goreyê waştişê kursîyeran saetî û rojî ameyê bewlîkerdiş.
Nuştox û Momosta Şahap Laçînî derheqê xebata înan de vano ke, "Ma zanê ke Zazakî roj bi roj helîyena. Ma zî kenê ke ziwanê ma nêmiro û biciwîyo. Ma venga pêrûna ciwan, gede û pîlanê xo danê ke wa bêrê kursanê ma, nuştiş û wendişê xo aver berê. Eke ziwanê xo ra hes kenê wa wayîrê nê kursî vejîyê.
