Qezaya Amedî Çêrmûge de hedîseyêko weş qewimîya. Welatî Ridvan Tunç, medyayê sosyale ser o vîdeoyêk dî ke sûke de di herî bêwayîr mendê.
Tunçî raste raşt şi hetê heran û ê girewtî û berdî axorê xo. Ridvan Tunçî wina va:
"Ewro mi medyayê sosyale de vîdeoyêk dî ke di herî ameyê terkkerdiş. Ez nê halî ver zaf xemgîn bîya û hema şîya cayo ke ê ameybî veradayîş. Mi ê berdî zîyaretgehê xo yê weyekerdişî, axûrê xo de awe û simer da înan û pîzeyê înan kerd mird. Tay merdimi 9 aşmî nê heywanan xebitnenê, la zimistan semedo ke werd nêdê ci, înan veradanê kuçeyan. Axûrê mi emser veng o, ez do bi heskerdiş nê heywananê bêwayîran wey bikerî."