Goreyê malumatanê ke ameyê girewtene; mamosteyo teqawud Kutbattîn Keskîn o ke qezaya Çewlîgî Bongilan de nişeno ro, 45 serre yo û nêweşê Parkînsonî yo, roja 1ê gulane de seba ke kergan rê nan bierîno şîyo firine û o wext ra pey anêgêrayo keyeyê xo.
Ame musayîş ke Keskîn, ver bi keyeyê birayê xo yê pîlî yo ke Taxa Yeşîlovaye de yo aver şîyo û tewr peyên uca de ameyo dîyîş.
A saete ra pey reyna tu xebere tira nêamey girewtiş.
Ney ser o AFAD, cendirme, dezgehê komelê sîvîlî (STK) û ekîbê ke şarê mintiqa ra ameyo awankerdiş (pêro pîya 229 kesî) û ci gêrenê. Nê 229 kesê ke Çewlîg, Wan û Mûşî ra şawîyayê a mintiqa Dereyê Bongilanî û mintiqaya Taxa Yeşîlovaye – Dewa Dîlektepeyî de xebatanê gêrayîşî domnenê.
