ZAZAKÎ NEWS - Çewlîg de qezayê trafîkî yê ke wextê Roşanê Remezanî de qewimîyayê, ameyî eşkerakerdiş. Seranserê wîlayetî de 32 qezayê trafîkî ameyî meydan. Nê qezayan de 1 kesî weşîya xo vîndî kerda û 37 kesî zî birîndar bîyê.
Hetê ekîban ra 8 hezar û 130 wesayîtî ameyî kontrolkerdiş. Nê kontrolan de 76 şofêr û 156 pîlakayanê wesayîtan rê ceza birîya. Teftîşan de 22 wesayîtî zî trafîk ra ameyî menkerdiş.
Ehlîyetê şofêrêkî ame betalkerdiş û hetê ekîbanê emnîyet û cendermeyî ra seba şofêr û wesayîtan pêro pîya 1 mîlyon û 923 hezar û 174 lîrayê Tirkî cezaya pereyî ameye birnayiş.
