ZAZAKÎ NEWS - Goreyê malumatanê ke ameyê girewtiş, rayîrê Çewlîg û qezaya ci Bongilanî ser o di otomobîlê ke hema nameyê şofêranê înan nêzanîyenê, qeza kerd.
Dima ke derûdorî xeber da, ekîbê weşîye, ambûlansî, cendermeyî û ekîbê îtfaîye yê Şaredarîya Bongilanî ameyî cayê qezayî.
Şofêrê otomobîlêkî wesayîtê xo de mehsur mendbi. Ekîban o şofêr cayo ke tede mehsur mendbi ra vet.
Ekîbanê weşîye dima ke cayê hedîseyî de mudaxeleyê verên kerd, birîndarî bi ambûlansan berdî nêweşxaneyanê dormeyî.
Goreyê malumatan, mîyanê 13 birîndaran de rewşa kesêkî giran a.