Hatîce Yildiz a 75 serrî ya û semedo ke kênaya xo ya ke hepisxane de ya û embaza aye rê pere erşawita erzîyaya hepisxane. Dapîre ke nêweş a keye ra bi sedye amey vetiş û neqlê hepisxaneyî bî.
Hatîce Yildiz a 75 serrî Esenyurtê Îstanbulî de cuyena.
Hatice Yildiz semedo ke kênaya xo û embaza ci rê pere şawita derheqê aye de bi îdîaya ''rêxistine rê paştdayîşê fînasmanî'' dewa amey akerdiş.
Badê muhakemekerdişê 3 serran Mehkemeya Cezaya Girane ya 14. ya Îstanbulî ceyaza 4 serran û 2 aşman da ci. Qerar hetê Mehkemeya Îsnafî ra zî ame qebulkerdiş.
Badê qerarî polîsan vizêr şan eşt keyeyê Hatice Yildize ser û Hatîce Yildiza ke tedezaf nêweşî estê keye ra bi sedye amey vetiş.
Lajê Hatice Yildiz, Alper Yildizî vat, ''Heta ewro goreyê qanûnê Tirkîya zhepisxane rê pere erşawitiş sûc nîyo. No qerar çarçewaya huqûqê dişmenîye de ameyo girewtiş.''
