DEM Partî do seba zîyaretkerdişê Îmamoglî û girewteyanê sîyasîyan muracat bikero.
Hemserekê Pêroyî yê Partîya Seypeyî û Demokrasî ya Şaran (DEM Partî) Tulay Hatîmogullari û Tuncer Bakirhan, pa Hetkarê Hemserekan Mehmet Ruştu Tîryakî, do seba ke çend sîyasetmedaran û girewteyanê sîyasîyan zîyaret bikerê, bi awayêko fermî muracatê Wezaretê Edaletî bikerê.
Goreyê eşkerayîye, nameyê ke heyetê DEM Partî wazeno înan reyde pêvînayîş virazo, nê yê:
- Serekşaredarê Bajarê Pîlî yê Îstanbulî Ekrem Îmamoglî
- Serekşaredarê Esenyurtî Ahmet Ozer
- Hemserekşaredarê verênî yê Bajarê Pîlî yê Wanî Bekîr Kaya
- Parlamenterê Hatayî û mehkûmê Dewaya Gezî Can Atalay
- Girewteyê sîyasîyî Halîl Aksoy û Ahmet Saymadi