Rêxistina Amedî ya DEM Partî, bi şîarê "Ma pîya xurt ê, ma do pîya ser bikewê" nanê paştdayîşî organîze kerd.
Hemserekê şaredarîyan, temsîlkarê dezgehanê sivîlan û partîyanê sîyasîyan û zaf welatîyî amê salone.
Endama Komîsyonê Paştdayîşê Mîllî, Birayîye û Demokrasî Gulîstane Kiliç Koçyiğit tîya qisey kerd û behsê pêvînayîşê Îmrali kerd.
"Îmrali êdî girawa aştîye ya"
Koçyiğite derheqê Abdullah Ocalanî de wina va: "Şîyayîşê komîsyonî yê Îmrali, tarîx de bendêko pîl bi û no bend ame derbas kerdiş Birêz Ocalan Îmrali de zaf qedardar û bi coş o. Sey roja verêne, seba şarê xo 7/24 xebetîyeno. Mi bi çimanê xo dî ke o paşt dano vengdayîşê 24ê Sibate yê Baxçelîyî. Îmrali verê cû girawa tecrîdî bîye, la ewro uca dexebata aştîye bena. Îmrali êdî girawa aştîye û çareserîye ya."
"Wa kes nêvajo 'cayê mi teng o'"
Koçyiğite partîyê ke endam nêday komîsyonî û nêşîy Îmrali, rexne kerd û va: "Ma ewnîyenê bahaneyanê înan ra; vanê 'endamê ma amade nîyê'. Şima serran o sîyaset kenê, şima qey heta ewro endamê xo amade nêkerd? Aştîye bi bahaneyan nêbena. Merdime cesurî aştîye virazenê. Wa kes Kurdan rê nêvajo 'Cayê mi teng o'. Eger şima çareserî wazenê, wext wextê karkerdîşî yo."
"Ma celadê xo baş şinasnenê"
Koçyiğite cewab da vateyê Serekê CHPyî Ozgur Ozelî ("Ê aşiqê celadê xo yê") û va: "Ma celadê xo baş şinasnenê. Ma zaf dej ant, la ma seba demokrasîyê nê welatî de gamê tarîxîyî eştî. Ma wazenê her kes seba aştîye seferber bibo. Qiseykerdişê ma yê bi AKPyî, nêno manaya îtîfaqî. Çareserî kamî reyde biba, ma ey reyde muzakere kenê."
