ZAZAKÎ NEWS - Mîtîngo ke hetê DEM Partîye ra amebi plankerdene ke 4ê çeleyî de Amed de bêro viraştiş, rîyê şert û mercanê xiraban ê hewayî ra amebi taloqkerdiş. Labelê dima ke Walîtiya Amedî aşkere kerd ke pêro bajar de çalakîyî 4 rojan ameyê qedexekerdiş, DEM Partîye mîtîngê seba Ocalanî taloq kerd.
Wexto newe ame aşkerekerdiş
Amed de bi tewrbîyayîşê Serekê Pêroyî yê DEM Partî Tuncer Bakirhan, Serekê Partiya Herêmên Demokratîk (DBP) Çîgdem Kiliçgun Uçar û Keskîn Bayindir, parlamenter û serekê şaredariyan ê DEM Partî bernameyêk ame viraştîş.
Bernameyo ke nameyê ey “Deklarasyona seba Mîtîngê Azadî” bi de wextê neweyî yê mîtîngan ameyî aşkerekerdiş. Goreyê beyanato ke ame dayîş, 27ê hezîrane de Wan û Mersîn de, 28ê hezîrane de zî Amed û Estemol de seba Ocalanî mîtîngî yenê viraştiş
