Wekîlê Qersî yê CHP Înan Akgûn Alpî, derheqê zîyaretê Serekê Pêroyî yê KDP Mesûd Barzanî yê Sempozyûmê Melayê Cizîrî ke bi dawetê Walîtîya Şirnexî Cizîre de ame kerdiş, Meclîs de qisey kerd.
Alpî îzah kerd ke mesajê Barzanî yê seba aştîya herême "zaf pozîtîf" ê.
Şarê Cizîre rê teşekur kerd
Alpî qiseykerdişê xo de şarê Cizîre rê zî teşekur kerd û va: "Ez şarê Cizîre rê silam û hurmetanê xo şawena ke meymandarîya Serek Barzanî kerdê."
Wekîlê CHPî da zanayîş ke zîyaretê Barzanî bi hewayêko weş vîyarto.
'Ganî zîyaretî nêbê sebebê munaqeşeyî'
Alpî va ke ganî zîyaretê winasî goreyê qeydeyanê protokolî bêrê kerdiş û wina dewam kerd: "Ez bawer kena ke ganî nê tewir zîyaretî bi awayêko winasî bêrê kerdiş ke nêbê sebebê problemanê neweyan."
