Hetê Cigêrayîşê ORCî ra seba 10 aktorê tewr tesîrdarî yê Dîyarbekirî cigêrayîşêk ame kerdene. Cigêrayîş de persê “Dîyarbekir de sîyasetmedarê ke tewr zaf tesîr kenê munaqeşeyanê sîyasîyan û meylê weçînitoxan kam ê?” ame perskerdene.
Pêroyê Dîyarbekirî de mabênê 12 û 14ê êlule de pîya bi 1500 kesan cigêrayîşêk ame kerdene
Goreyê netîceyê cigêrayîşî, rêzkerdişê 10 aktorê tewr tesîrdarî yê sîyaseta Dîyarbekirî de Sezgin Tanrıkulu yo ke endamê Partîya Newe (Yeni Parti) yo zîrve de ca gîrewt.
Rêza dîyine ya lîsteyî de parlamenterê AK Partî Galip Ensarioğlu ca gîrewt, Hemsereka Şaredarîya Bajarê Girde ya Dîyarbekirî Serra Bucak a ke endama Partîya DEMî ya zî rêza hîrêyine de ca gîrewt.
Rêza çarîne ya lîsteyî de parlamenterê Partîya DEMî Serhat Eren ca gîrewt, rêza pancîne de zî nameyo bîn yê AK Partî Suna Kepoğlu Ataman ca gîrewt.
Mîyanê lîsteyî de rêza şeşîne de Ceylan Akça Cupolo ya ke endama Partîya DEMî ya, rêza hewtîne de Cengiz Çandar, rêza heştîne de Mehmet Sait Yaz o ke endamê AK Partî yo, rêza newîne de Adalet Kaya ya ke endama Partîya DEMî ya û rêza desîne de zî Hevsereka Şaredarîya Kayapınarı Gülşen Sincar a ke endama Partîya DEMî ya ca gîrewt.
