ZAZAKÎ NEWS - Dêrsim de, aşma Xizirî ke seba Elewîyan aşmêka bimbarek a, seba ke reaksîyon vera pêrodayîş û operasyonanê vera Rojava bêro nîşandayîş, yew rayraşîyayîş ame viraştene. Rayraşîyayîş hetê Platformê Ked û Demokrasîye yê Dêrsimî ra ame organîzekerdene û xeylê welatîyî tewrê ci bîyî.
Platformo ke Parka Seyîd Rizayî de ame pêser, eşkerayîyêka çapemenîye daye.
Eşkerayîye de, hêrişê vera Rojava ameyî şermezarkerdene û veng dîya ke wa peynîya binpaykerdişanê heqan ê herême bêra ardene.
Kurul: Korîdorê însanî lazim o
Eşkerayîya çapemenîye de Endamê MYK yê EMEPî Orhan Kurulî qisey kerd û wina va:
"Rojava de cinîyî û domanî bi zanayîş terkê mergî benê; çimê ma ver de şarê ma û birayê ma yê Rojava ver bi mergî yenê kaşkerdene. Vengdayîşê ma no yo ke Berê Sînorî yê Murşît Pinarî ganî lez bêro akerdene û korîdorê însanî bêro temînkerdene."
Kurulî wina dewam kerd: "Embazê erjayeyî, xeylê wexto ke Rojava bîya warê kayanê emperyalîstan. Şarê ma yê Rojava senî ke heta ewro kerdo, ewro zî seba tayînkerdişê qederê xo şertan zor keno û seba ney mucadele keno..”
Kordu: Şarê Kurdî bi yew vucûd
Wekîla Partîya DEMî ya Dêrsimî Aytene Kordu zî va: "Vera nê hêrişanê ke Rojava de yenê kerdene, vera nê hêrişanê ke vera Kobanî yenê kerdene, şarê Kurdî bi yew vucûd."
Dima eşkerayîya çapemenîye, welatîyan seba yadkerdişê kesanê ke hêrişanê vera Rojava de weşîya xo vîndî kerda, mûmî.
