DÊRSIM – Hadîse, tarîxê 29.08.2025î de Dêrsim de Mehelaya Moğultayî de Caddeyê Cumhuriyetî ser o yew restorant de amebi meydan. Hasan Temur (64), o ke ame restoranto ke verî wayîrê ci o bi, bi demança hêriş kerd wayîranê neweyan ê restorantî Hasan Çetîn (52) û A.İ.B. (50) ser
Wextê hêrişî de, bi mudaxeleyê yew polîso ke restorant de bi, hêrişker ame vindarnayene û ame tepiştiş. Wayîrê restorantî Hasan Çetîno ke giran birîndar bibi, Nêweşxaneyê Dewlete yê Dêrsimî de wefat kerd, birîndaro bîn A.İ.B zî seba tedawî şawîya Nêweşxaneyê Şaristanî yê Fethî Sekînî yê Xarpêtî.
Hasan Temur tewqîf bi û Hepisxaneyê Erzînganî de mendêne.
Temur, hepisxaneyo ke tede tepişte bi de krîzê qelbî derbaz kerd û şawîya Nêweşxaneyê Cigêrayîş û Perwerdeyî yê Mengücek Gazî yê Erzînganî, la tîya de herçiqas mudaxele ame kerdene zî nêxelesîya û wefat kerd.
