ZAZAKÎ NEWS – Vurîyayîşê îklîmî û germbîyayîşo global, sey pêro welatî, Dêrsim de zî xo mojna. Na çarçewe de, dewa Sakyolî ya qezaya Çemişgezekî de, murîyêra ke gerek aşmanê wisarî de vilî bidayêne, aşma Êlule de newe ra vilî akerdî.
Wayîrê baxçeyî û dewijanê dormeyî ê ke vilî dîyê, pê şaş mendî û ê dîmenî qeyd kerdî.
Mustafa Alptekinî îzah kerd ke, ê dewe de citkarîye kenê, wina va: “Ma dî ke murîyêra ke ma hefteyo verên meyeyê aye arêdaybî, no hefte newe ra vilî akerdî.”
