ZAZAKÎ NEWS - Semedê vewra zêde ya ke Dêrsim de tesîrê xo mojna, dîya zanayîş ke seranserê bajarî de motokuryeyî û pêro wesayîtê ke tekerê (lastîkê) înan ê zimistanî çin ê, qedexe yo ke bivejîyê trafîk.
Eşkerayîya ke hetê Walîtîya Dêrsimî ra ameya dayene de nê îfadeyî ca girewtî:
"Bi armancê temînkerdişê asayîşê trafîkî; 30ê Çeleyê 2026î roja Îne (Ewro) ra nat, heta 5ê Sibata 2026î roja Panşemeyî saete 23.59, seranserê bajarî de vejîyayîşê trafîkî yê motokuryeyan û pêro wesayîtanê ke tekerê înan ê zimistanî çin ê, ameyo qedexekerdene.
Ma welatîyanê xo yê erjayeyan ra, hetê asayîşê can û malî ra rîca kenê ke seba nê qerarî hîsgêr bibê û bi wesayîtanê ke tekerê zimistanî û zîncîrê înan çin ê, nêvejîyê trafîk."
