Dewa Şirnanî ya qezaya Azarpêrtî ya Çolîgî de Keyeyê Kultur û Tazîya abi. Hemserekê DADî Musa Kuluyî akerdiş de va, " Ganî ma wayîrê kultur, ziwan û bawerîya xo vejîyê."
Hemserekê Komeleyanê Elewîyan ê Demokratîkan (DAD) Musa Kulu û Komeleya Dewa Şirnanî Huseyîn Kalî akerdiş de qisey kerd.
Huseyîn Kalî îzah kerd ke, înan armanc kerd ke nê keyeyî de wa pêro dewijî yew ca de bêrê pêser û tim paştî bidê yewbînan.
Hemserekê DADî Musa Kuluyî îfade kerd ke ganî elewîyî wayîrê ziwan, kultur û bawerîya xo vejîyê ka vînî nêbê. Kuluyî va: ''Nêbo şima bimanê ê bînan. Kam ke nasnameyê xo ra dûrî bikewo do vînî bibo.''
Qiseykerdişan ra dima loqmayî ameyî vilakerdene û pê govendan keye ame akerdiş.
