ZAZAKÎ NEWS - Suleyman Yildiz o ke Adana de serra 1993î de amebi tepiştiş û cezaya muebedî dîya ci, dima 33 serran, di rojî verê cû hepisxaneyê Bandirma ra ame tehliyekerdiş.
Yildiz, vizêr şi qezaya Mêrsînî Toroslar ke keyeyê ey uca de yo.
Bi serkêşîya Komela Hetkarî û Paştîdayîşê Keyeyanê Tepişte û Mehkûman (TUAY-DER), Yildiz keyeyê xo de ame zîyaretkerdiş.
Tîya de Hemsereka Şubeyê TUAY-DERî ya Mêrsînî Adalet Kurane qiseykerdişêko kilm kerd û va: "Ma keyfweşê ke embazê xo Suleyman Yildizî 33 serran dima mîyanê xo de vînenê."
Suleyman Yildizo ke ame tehliyekerdene zî wina qisey kerd:
"Ez keyfweşa ke dima 33 serran mîyanê şima de ya. Zîndan de tepişteyî herçiqas ke hetêk ra qerqilîyayîş biciwîyê zî, semedo ke vera hêrişanê Rojava tarîx de reya verêne hende yewîyêka pîle ya neteweyîye virazîya, moralê înan berz o. Ganî na yewîye biba dayîmî û bibo sebebê awanbîyayîşê yewîya neteweyîye."
