ZAZAKÎ NEWS – Çarçeweya projeyê “Bi Rayîrê Hunerî Qewetinkerdişê Kapasîteyanê Pawitişê Heqanê Cinî û Gedeyan” de Dîyarbekir de yew festîvalêka pîle virazîyena. Festîvale bi hetkarîya Ajansê Averberdişî yê Katalanî û Komela Verî Gedeyî yeno hazirkerdiş.
Festîvala Gedeyan a Mîyankulturî, ke tede do berhemê atolyeanê kultur, huner û afirnayîşî yê ke nezdîyê şeş aşman o dewam kenê bêrê ramojnayîş. Festîvale do tarîxanê 26–27–28ê Êlule de Dîyarbekir de bêro viraştiş. Festîvale de tena ramojnayîşê eseranê gedeyan ney; do bi paştîdayîşê sazîyanê komelê sîvîlî yê herêmîyan û hunermendanê mîyanneteweyîyan, meymanîya têkilîya mîyankulturîye zî bikero.
Festîvale de, teberê atolyeyanê resim, karîkatur, tîyatro, muzîk, newe ra bedilnayîşî (geri dönüşüm) û performansanê cîyayan ê sehneyî de, muzîsyenê Katalanî yê ke hetkarê projeyî yê, hem do konseranê solo bidê hem zî gedeyan reyde atolyeyan virazê. Heto bîn ra, na festîvala ke bi hetkarîya Şaredarîya Bajarê Girdî ya Dîyarbekirî yena kerdene, hedef kena ke kulturê xebata pîyakîye yê îdareyanê herêmîyan û sazîyanê komelanê sîvîlî yê seba gedeyan qewetîn bikero.
Programê Festîvale wina yo:
📅 26ê Êlule – Merkezê Kultur û Kongreyî yê Sezaî Karakoçî
- Protokol û Qiseykerdişê Akerdişî
- Sînevîzyon - Stop motion
- Komela Rengarenk Umutlar – Koroya Gedeyan a Rengîne
- Ma Music – Koma Stranbêjan/Rîtm/Ksîlofon-Boomwhackers, Koma Sêtêlîjenan
- Muzîsyenê Katalanî - Performansê Muzîkî yê Solo
📅 27ê Êlule – Sumerpark
Saete: 12:00- 17:00 SUMERPARK
- MA music – Gerok Ma
- Rengarenk - Atolyeya Viraştişê Bazincanan
- Zarok tv - Pêşangehê Resim û Karîkaturî & Atolyeya Karîkaturî
- Yasemîn (Komela Önce Çocuklar) - Atolyeya Kuklayan
- Mordem Sanat - Atolyeya Kuklayan
- Kased - Atolyeya Newe ra Bedilnayîşî/Kolajî
- Mordem Sanat - Jonklor
- Weqfê Koçî - Atolyeya Viraştişê Gerdanîyan a Textî
- ÇİAD - Atolyeya Resayîşê Heqan
- Muzîsyenê Katalanî - Atolyeya Muzîkî
Ca: Merkezê Kultur û Kongreyî yê Sezaî Karakoçî
Saete: 18.00
- Amed Şehir Tiyatrosu - Bijîşkê min ê Xoşewîst
📅 28ê Êlule – Merkezê Kultur û Kongreyî yê Sezaî Karakoçî
Ca: Merkezê Kultur û Kongreyî yê Sezaî Karakoçî
Saete: 13.00
- Amed Şehir Tiyatrosu - Keçelok
Saete: 18:00 - Şubadap - Tîyatroyê Estanike yê Moyoyî
- Şubadap - Ramotişê Pandomîmî yê Îlker Kiliçerî
- Şubadap - Konser
Mudeyê festîvale de, yew dormeyo winasî do bêro viraştene ke gedeyî tede nê tenya temaşeker, heman wext de afernayox bê; îmkan bivînê ke hîkayeyanê xo bi rayîrê hunerî îfade bikerê.
