Bi wesîleyê 19ê Teşrîna Verêne Roja Muxtaran, muxtarê cinîyî yê ke Dîyarbekir de wezîfe de yê, yew pêvînayîşêko bimana viraşt. Muxtara Mehlaya Muradiye Dîlek Demîr, Muxtara Mehlaya Korhatî Dîlek Dere û Muxtara Mehlaya Lalebeyî Şener Çelîke, problemanê mehlelan goşdarî kerdî û çareserîyanê xo pare kerdî û bale antê muhîmîya xebata înan ser.
Muxtara Mehlaya Muradiye Dîlek Demîre îfade kerd ke muxtarîye tena meqamêk nîya, meseleyêka zerrî ya û wina va: "Ma bi heskerdişê şarê xo pay ser o yê. Wezîfeyê ma tena bi ewraq û îmza nîyo; ma tîya de her keyeyî nas kenê, derdê her welatîyê xo zanenê. Ma seba huzurê mehlaya xo, ameyoxê gedeyanê ma û asayîşê cinîyanê ma, şew û roj xebitîyenê."
Muxtara Mehlaya Lalebeyî Şener Çelîke zî, va ke muxtarîye mabênê şarî û dewlete de pirdo tewr samîmî yo û wina dewam kerd: "Ma do bibê stûnanê ê pirdî û nê wezîfeyê xo rê dewam bikerê."