Federasyonê Zazayan da zanayîş ke îstîfaya Ferhat Dopdogruyî ya serekîya fexrî, hetê heyetê rayberdişî ra ameya qebulkerdiş. Eşkerayî de ame vatiş ke, tayê nêhemfikirîyê ke mabênê Dopdogruyî û federasyonî de virazîyayê, mîsyonê federasyonî yo ke bingeyê ey akademîk o û prensîbanê dewaya Zazayan o de pênêkerdiş virazîyayo.
Federasyonî îfade kerd ke semedo ke yewîya federasyonî bêro pawitiş, waştişê îstîfayî yê Dopdogruyî 4ê Kanûna 2025î de ameyo qebulkerdiş.
Heyetê rayberdişî ard vîr ke mîsyonê ronayîşî yê federasyonî, pawitişê nasnameyê tarîxî yê Zazayan û ziwanê Zazakî sey ziwanêko xoser nîşandayîş o. Eşkerayîye de nê îfadeyî ca girewtî:
Ferhat Dopdogru yo ke semey yewîya cimatkî û temsîlê manewî ame wezîfedarkerdiş, mabênê ma û ey de pênêkerdiş bîyo. No rid ra qerarê îstîfayî ameyo girewtiş û seemey pawitişê yewîya federasyonê ma, hetê Heyetê ma yê Rayberdişî ra waştişê ey ê îstîfayî tarîxê 04.12.2025î de ameyo qebulkerdiş û wezîfeyê ey ê Serekîya Fexrîye qedîyayo..
Prensîbê bingeyênî yê Federasyonê Zazayan eşkera yê:
Zazayî şarêko kehen ê.
Ziwanê Zazakî ziwanêko xoser o."
Federasyonî da zanayîş ke derheqê prosesê îstîfayî û probleman de, rojanê verê ma de semey raya pêroyî eşkerayîyêka hîra do bêra dayîş.
