Dewa Elewîyan Mergezer a ke girêdayî qezaya Tatosî ya Erziromî ya de, wazîyeno ke xebata gêrayîşê baqirî bêro kerdiş. Projeya cigêrayîşî yê ke serra 2021î de amebî qebulkerdiş de xebatkerdê şîrketo taybet ameyî dewe û waştî ke dest bi cigêrayîşan bikerê.
Labelê dewijî razînêbîyayîşê xo mojna û îzin nêda ke cigêrayîşî bêro kerdene.
Sînorê rûhsatî yê Projeyê Gêrayîşê Baqirî 5.283 hektar o. Dewijê ke tersê înan esto ke no proje do tebîatî talan bıkero, vatî ke gureyê gêrayîşê madenê baqirî do zerar bido erdan û çimeyê awe zî do bipeysê.
Dewijan pêro şarê mintiqayî, platformanê derûdorî, dezgehanê komela sivîlî, dezgehanê meslegî, merdimanê zanistî û kes û dezgehanê ke şenê warê huquqî de paştgîrîye bidê, seba paştgirîye dawet kerdî.
