Otobusa Amedsporî ya newîye bi paştdayîşê Meclîsê DTSOyî û merdimanê karî seba Amedsporî ameybî erînayîş, bi merasîmek amey teslîmkerdişê klubî.
Serekê DTSOyî Mehmet Kaya, Sereka Meclîsê DTSOyî Nevin Îl, Hetkarê Serekî Akîf Avşar, Serekê Klubê Amedsporî Av. Nahit Eren û zaf merdimê karî tewrê merasîmî bîy.
Serekê DTSOyî Mehmet Kaya merasîm de qisey kerd û îfade kerd ke seba serkewtişê Amedsporî, paştdayîşê heme hetanê bajarî zaf krîtîk o. Kaya wina va:
"Ma ewro tîya de yew ca de yê ke otobusê taximî yo ke Amedsporî zaf waştêne, teslîm bikerê. Amedspor ê şarî yo." Destegeya her kesî; tereftaran ra merdimanê karî, cinîyan ra ciwanan, na klube arda nê rojan. Domdarîya hetê sporî û fînansî ra zaf muhîm o."
Kaya îfade kerd ke prosesê girewtişê otobuse zaf lez qedîyayo: "Ma teqîrîben yew aşm de paştdayîşê merdimanê karî girewt û fînansmanê otobuse temîn kerd. Bi paştdayîşê hemşerîyê ma yê Îstanbulî, wesayît demêko kilm de amade bi. Dîzaynê zereyî temamî goreyê konforê futbolîstan ame bedilnayîş."
Serekê Klubê Amedsporî Av. Nahit Erenî zî îfade kerd ke paştdayîşê DTSOyî û merdimanê karî yê Amedî zaf manadar o. Erenî va:
"Ez nê prosesî de teşekurê rêveberîya ma ya verêne û heme paydaranê ma yê ke ewroyî de paştdayîş kerd, kena."
Merasîm, bi teslîmkerdişê otobusê klubî yê Serek Nahît Erenî bi hawayo fermî qediya.
