Rayberîya Zanîngeha Munzurî, aşma Êlule de qerar dabî ke Walîtîye û Edlîye bar bikerê bînaya kitabxaneyî ya zanîngehe. Wendekaran no qerar protesto kerd.
Nameyê wendekaran ser o Alî Sezerî qisey kerd û va ke rektor, yanî rayberdoxê zanîngehe, nêeşkeno bê wendekaran wina yew qerar bido û wina dewam kerd:
“No qerar bê wendekaran ameyo dayîş. Ardişê walîtîye û edlîye yê zereyê zanîngehe vera xoserîya zanîngehan o û binpaykerdişê qanûnan o.”
"Ma zanîngehê xo de çekdaran nêwazenê"
Wendekaran vateyê rektorî yê sey "Berê kitabxane û yê edlîye do cîya bibê" qebul nêkerd û wina vat:
"Ma sey wendekarî nêwazenê ke zereyê zanîngeha ma de polîs û eskerî bi çek û unîformayanê xo bigêrê. Ma nê qerarî qebul nêkenê û wazenê ke rayedarî nê qerarî ra fek vera bidê."
Dima ke eşkerayîye dîya, wendekaran waşt ke rayra şêrê labelê hêzanê ewleyîye yê xusûsîyan û polîsan rayîr nêda înan. Wendekaran vera na astengîye çalakîya roniştişî viraşte û hêzanê ewleyîye mudaxeleyê înan kerd.
