Hunermenda Kurde Pinar Aydinlar, çarçeweya tehqîqatê Kongreya Demokratîk a Şaran (HDK) de amey muhakemekerdiş. Roniştişê dewa Mehkemeya Cezaya Girane ya 13. ya Îstanbulî de ame kerdene.
Dozgerî waşt ke Aydinlar bi "endamîya rêxistine" û "propaxendaya rêxistine" bêro cezakerdiş.
"HDK suc nîyo" Pinar Aydinlarî sucê vera xo red kerdî û wina va: "HDKyîbîyayîş suc nîyo. Ez HDKyî nîya la eger ez bibîya zî mi red nêkerdêne."
Aydinlare derheqê parekerdişê medyayê sosyale de zî wina va: "Mi fotografê Mehmet Şîrîn Aydinî yo ke Parîs de ame kiştene, pare kerd û mi tena nuşt 'Bi hurmetî'. O embazê karî yê mi bi. Zereyê fotografî de ne ale, ne zî çek estbi. Ez senî bi parekerdişê fotografê merdimo ke ame kiştene propaxendaya rêxistine kena?"
Aydinlareîfade kerd ke a seba konseranê xo tim şina teberê welatî û eger a waştêne birema, nêameyêne mehkeme.
6 serrî û 3 aşmî ceza
Mehkeme qerar eşkera kerd û seba "endamîya rêxistine" 6 serrî û 3 aşmî cezaya zindanî da Pinar Aydinlare.
