Serekkomarê Tirkîya Recep Tayyîp Erdogan îfade kerd ke pîyaameyîşê mabênê Hêzê Sûrîya Demokratîk (HSD) û hukmatê newe yê Sûrîye do "xizmetê aştî bikero".
Fermandarê Pêroyî yê HSD Mazlum Ebdî û serekê demkî yê Sûrîye Ehmed El-Şera roja dişeme Şam de pîyaameyîşêk îmza kerdbî.
Yewinîya Pawitişê Şarî (YPG) mîyanê HSD de ca gêna û ê vera Dewleta Îslamî (DAÎŞ) şer kenê û Sûrîye de hemparê Amerîka ya.
Tirkîya HSD û YPG sey komê ke girêdayeyê PKK yê vînena û vana her di zî komê "terorîst" ê, la her di komî zî girêdayîya xo ya bi PKK rê red kenê.
Goreyê nê pîyaameyîşî do heme dezgeyê leşkerî û sivîlî yê îdareyê xoserî HSD û AANES bi dezgeyanê dewleta Sûrîye dir bibî yew.
Tirkîya tim vana ke YPG-HSD ganî çekan ronê û xo fesix bikerê û heme şervanê înan yê ke Sûrîyij nîyê ganî welatî ra şorê.
Vervatoxê HSDyî roja Dişeme vatbi ke pîyaameyîş bi mîyancîtîya Amerîka bîyo. Bakurê rojhelatê Sûrîye de nêzdîyê 3 hezar hêzê Amerîka estê û Anqara zî pawena ke serek Donald Trump înan uca ra vejo.
Çime: Reuters, AFP
