Festîvala Fîlman a Amedî ya Mîyanneteweyî ya 3., bi mêmanîya Şaredarîya Pîle ya Amedî û bi koordînasyonê Akademîya Sînema ya Rojhelatê Mîyanênî dest pêkerd.
Zaf hunermendî, hemserekê bajar û qezayan, temsîlkarê partîyanê sîyasîyan û dezgehanê komelê sivîlî û bi seyan kesî tewrê festivale bîy. Festîvale Merkezê Kulturî yê ÇandAmedî de dest pêkerd.
Badê cû festivalebi ramojnayîşê fîlmê "Ray/Yol" ê Yilmaz Guneyî dest pêkerd.
Sîpan Dagdevîren (Akademîya Sînemayê ya Rojhelatê Mîyanênî) verê konserî qisey kerd û va ke festîvale hîkayeyanê dinya û merdiman ano têhet û rayîr keno a.
Dagdevîrenî va: "Ma ewro Amed de hîkayeyêka newîye nusnenê. Na festîvale do sînemageranê ameyoxî rê rayîr bikero a. Yilmaz Guney çend serrî verê cû vatbi, 'Wa dost û dişmen bizanê ke ma do ser bikewê.' Sey vateyê to ma do serbikewe. Biciwîyo sînemaya Kurdkî, biciwîya sînemaya azad, sînemaya şorişger!"
Hemsereka Şaredarîya Pîle Serra Bucakî zî va ke festîval raywantîyêka hempar a. Hemserek Dogan Hatunî zî Yilmaz Guney, Halîl Dag û endamê Heyetê Îmraliyî Sirri Sureyya Onder ardî vîr û va: "Ma deyndarê keda înan ê."
Peynî de belgefîlmê "Kardeş Turkuler" ê Çayan Demîrel û Ayşe Çetînbaşe ame mojnayene.
