Fûara Kitaban a Amedî dest pêkena: Weşanxaneyê kurdkî amade yê

Fûara Kitaban a Amedî ya 10ine ya ke hetê Grûba Fûaran a Tüyapî, bi hemkarkerdene Yewîya Weşangeran a Tirkîya û bi paştdayîşê Odaya Ticaretî ya Amedî yena organîzekerdene, mabênê tarîxanê 26ê êlule û 4ê teşrîna verêne de Merkezê Mîyanneteweyî yê Fûar û Kongreyan ê Mezopotamya de virazîyena.

Fûare hetê Komeleya Yewîya Weşangeranê Kurd (YEW-KURD) ra zî tertip beno û 27 weşanxane û dezgehî tewrê ci benê; 74 panel û qiseykerdişî reyde 300 çalakîyê îmzeyan yenê viraştene.