Merkezê Gastro Înovasyonî yê Dîyarbekirî de atolyeya newe ya ke do tede berhemê herêmî yê tescîlkerdeyî pîya bi pîzza bêrê viraştiş abî. Atolyeya ke do tede seba cinîyan û xortan perwerdeyî bêrê dayîş de, do paştgîrîya cinîyan bêro kerdiş.
Merkezê Gastro Înovasyonî yê Dîyarbekirî yo ke mîyanê Odaya Ticaret û Sanayî ya Dîyarbekirî (DTSO) de xebitîyeno de, akerdişê atolyeya newîye ya ke seba viraştişê pîzza bi berhemanê herêmî yê tescîlkerdeyan ameya ronayîş, ame kerdiş. Gureyê atolyeyî, pîya bi ronayoxê Champion Pizza û şampîyonê pîzza yê dinya Hakkı Akdenizî do bêro rayraberdiş.
Serekê DTSOî Mehmet Kaya ke program de qisey kerd, da zanayîş ke atolye do tena sey merkezê perwerdeyê pîzza nêbo; do paştgîrîyêka pîle bido resnayîşê berhemanê tescîlkerdeyan ê Dîyarbekirî.
