Hetê Merkezê Perwerdeyê Şarî yê Çewlîgî ra seba kesê ke wazenê Zazakî bimûsê, dereceyê A1î de kursêk do bêro akerdiş. Perwerdeyo ke do tarîxê 5ê teşrîna verêne 2026î de dest pêbikero, do heta 2ê teşrîna peyêne 2026î mîyanê hefteyî de her roje bêro dayîş. Ame eşkerekerdiş ke saetê kursî do mabênê saetanê 13.00-16.00î de bê.
Seba kursê ke bi qalanê “Kulturê ma qîmetê ma yo” û “Ziwanê ma, kulturê ma, dewlemendîya ma ya muşterek a” ame îlan kerdene, muraceatî do bi rayê sîstemê e-Yaygınî yê Wezîrtîya Perwerdeyê Millîye (MEB) bêrê gîrewtene.
Dersê Zazakî mîyanê hefteyî de her roje yê
Kursê Zazakî yê A1î, mîyanê Merkezê Perwerdeyê Şarî yê Çewlîgî de mabênê tarîxanê 5ê teşrîna verêne-2ê teşrîna peyêne de do bêro dayîş. Perwerdeyî do mîyanê hefteyî de her roje dewam bıkerê.
Kesê ke wazenê beşdarê kursî bibê, ganî bi rayê sîstemê e-Yaygınî, bi şîfreya xo ya e-Devletî bikewê mîyanê sîstemî û gureyê muraceatî temam bıkerê.
Muraceat do senî bêro kerdene?
Kesê ke wazenê muraceat bikerê, eşenê mîyanê sîstemî de beşê “Muraceatî” (Başvurular) ra bikewê cayê qeydbîyayîşî û weçînayîşê bajar û qezaya xo bİkerê. Dima ra beşê nameyê kursî de nuşteyê “Zazaca A1” binusê, kursî bivînê û bi weçînayîşê “Kursa Kayıt Ol” gureyê xo temam bikerê.
