ZAZAKÎ NEWS - Fermandarê Pêroyî yê Hêzanê Sûrîyeya Demokratîke (HSD) Mezlûm Ebdî, îfade keno ke, îhtîmal esto ke Serekkomarê Tirkîya Recep Tayyîp Erdogan reyde bêro têhet.
Fermandarê Pêroyî yê Hêzanê Sûrîyeya Demokratîke (HSD) Mezlûm Ebdî kanalê Şemsî reyde yew pêvînayîş kerd û behsê bîyayîşanê peyênan kerd.
Mezlûm Ebdî wina va:
“Roleko sereke yê Tirkîye cengê Sûrîye û Rojawanê Kurdîstanî de esto. Tirkîye, Efrîn û herêmanê bînan ê sey Serê Kaniyê û Girê Spî dagîr kerdî. Çar serranê vîyarteyan de ma yew cengêko derg vera yewbînan kerd. Bi Tirkîye reyde 2 mengî û nîme yo adirbestêkê ma esto. Aramîyêka demkî û bi şert esta. Ma hêvî kenê ke no bibo adirbestêka mende. Bi Tirkîye reyde têkilîyê ma yê rasterastî û kanalê rasterastî estê, mîyancî zî estê. Ma hêvî kenê ke nê têkilîyî do aver şirê.”
"Ma amade yê Erdogan reyde pêvînayîş bike"
Ebdî derheqê Serekkomarê Tirkîya Recep Tayyîp Erdogan de va:
“Nika planêko winayên çîn o labelê ez tu astengîyan nêvînena ke bi Serekkomar Erdogan reyde ronişa. Nika rewşa cengî çîn a, ma bi Tirkîye reyde ceng de nîyê.
