Gokmen Karadag, yew rojnameger û moderatoro namdar o ke bi eslê xo Zaza yo. Karadag, serra 1970î de Erzîngan de ameyo dinya. Wendişê xo Lîseya Fenî ya Îzmîrî de temam kerdo, dima ra Zanîngeha Bogazîçî ra sey Muhendîsê Endustrî mezun bîyo.
Wendişê xo yê lîsansê berzî Enstîtuya Zanistanê Cimatkîyan ya Zanîngeha Marmara de kerdo. Eynî fakulte de doktoraya xo kerda û Fakulteya Perwerdeyî ra zî formasyonê pedagojîkî girewto.
Karîyerê xo yê medyayî rê HBB de sey muhabîrê xeberanê teberî dest pêkerdo. Kanalanê sey Kanal 6, Star TV û Kanal Dyî de xebitîyayo. Karîyerê xo kanalê TV8î de domnayo û heta ke kanal hetê Acun Ilicaliyî ra ameyo erînayene xebitîyayo. Serra 2020î de Halk TV de sey moderator dest bi karî kerdo.
Gokmen Karadagî serra 2007î de Denîz Yalçine reyde zewicîyayo. Yew keynek û yew lajê înan estê.