Goreyê anketanê peyênan Amed de kamcî partî vernî de ya?

Goreyê Şîrketê Anketî yê ADAyî,  Amed de DEM Partî se ra 59,8  û  AK Parti se ra 28,2  ray gêna.

Verê weçînayîşê Mehelî yê 31ê Adare partîyê ke kewenê weçînayîş rayê înan roj bi roj zelal benê.

Şîrketê cigêrayîşî yê ADAyî  Amed de mabênê 1-15ê Adare de hezar û 500 kesan ser o cigêrayîş kerd.

Kesê ke tewrê anketî bîyê înan ra vajîya ke “Eger no yewşeme weçînayîş bibo şima semedê Şaredarîya Bajarê Girdî ya Amedî raya xo danê kamcîn namzed/e?”

Goreyê cewaban tabloyêko wîna vejîya:

Serra Bucak - DEM Partî: Se ra 59,8

Mehmet Halîs Bîlden - AK Partî: Se ra 28,2

Cafer Pekdemîr - CHP: Se ra 3,8

Hîkmet Kaplan – Yenîden Refah: Se ra 2,4

Weçînayîşê Adara 2019î de HDP Amed de se ra 62,93 bi serkewtbî  û AK Part se ra 30,99 rayî girewtbî.

Labelê badê weçînayîşî hukmatê AK Partî bi  qayûm tayînê Şaredarîya Bajarê Girdî ya Amedî û şaredariyanê 13 qezayanê Amedî kerdbî ê destê HDPyî ra girewtbî.