Dewaya ke bi muracatê Komeleya Şêx Seîdî amebî akerdiş, Mehkemeya Cezaya Aslîye ya 13. ya Diyarbekirî de amey dîyayîş.
Qerarê mehkeme derheqê sanik M.K.yî de ame eşkerakerdiş. Ey maketê ke îdamkerdişê Şêx Seîdî teswîr kenê, sey sûsê wesayîtî şuxilnayî û nê dresimî medyaya sosyale de pare kerdî. Mehkeme, qerar da ke no kerdiş goreyê madeyê 130. yê Qanûnê Cezaya Tirkî (TCK) sucê "heqaretê xatirayê merdimî" yo.
Cezaya pereyî ya edlî
Netîceya muhakemekerdişî de versûc M.K. bi 8 hezar û 700 TL cezaya pereyî ya edlî ame ceza kerdiş. Mehkeme, heto bîn ra qerar da ke vercûs 45 hezar TL ucretê wekaletî yê avûkatîye zî bido. Bi nê qerarî, şuxilnayîş û parekerdişê nê maketan sey sucî kewt qeydanê huqûqî.
Rotiş ra ameyî wedaritiş
Wezaretê Tîcaretî ney ser o zî kewt têgêrayîş û prosese îdarî da dest pêkerdiş. Wezaretî platformanê e-tîcaretî de derheqê maketanê ke ameyêne rotiş de cigêrayîş kerd û qerar da ke nê maketî bêrê arêdayîş û rotişê înan bêro qedexekerdiş.
