Hemşaredara Dêrsimî Birsene Orhan a ke herinda ci de qeyûm ame tayînkerdiş û cezaya hepsê keyeyî dîyaybî ci ameya tepiştiş.
Hemşaredara Dêrsimî Birsene Orhana ke badê tayînkerdişê qeyûmî amey tepiştiş û 24ê teşrîna peyêne de cezaya hepsê keyeyî dîya ci, Pêrtag de keyeyê xo de amey girewtiş.
Birsene Orhan hesabê xo yê medyaya sosyale de da pêhesnayîş ke ameya tepiştiş.
Ame zanayîş ke Birsene Orhan bi îdîaya ''muxalefetê vera qanûnî û vervejîyayîşê polîsan'' ameya tepiştiş û uca ra neqlê Dêrsimî bîya.
