Hereketê Ziwanê Kurdkî (HEZKURD) hîrê serrê xo peyê xo de verdayê. HEZKURD, hîrê serrîya xo pîroz keno û beyan keno ke, semedê amancanê xo, semedê Kurdkî do xebata xo rê dewam biko .

HEZKUR 15ê Teşrîna Verêna 2020î de hetê grûbêka heskerdoxê Kurdkî ra ame ronayîş. HEZKURD bi xebatanê xo Tirkîya û bajaranê Kurdan de semedê ziwanê Kurdkî zaf aktîvîteyê ziwanê tertîp kerdî.

HEZKURD xususî demê weçînayîşê dersa Kurdkî de giranî dano xebatanê xo û keno ke wa hem hînza zêde wendekarî mekteban de dersa Kurdkî biweçînê hem zî mekteban rê hîna zêde mamosteyê Kurdkî bêrê tayînkerdiş.

HEZKURD hetêk ra zî semedo ke wa Kurdkî bibo ziwanê resmî û perwerdeyî xebata dîplomasî zî keno

Koordînatorê Pêroyî yê HEZKURDî Fevzi Bulganî bi minasebetê hîrê serrîya sazîye de beyanatêk da û wîna va “Xebatê ma do çarçiwaya hûqûqî de bi hawayêko sîvî dewam bikerê. Ma prosesê xebatan de êyê ke hetkarî danê ma înan rê sipas kenê. Hîrê serrîyo ke ma semedê ziwanê Kurdkî xebatan kenê. Ma hîrê serrê xo peyê xo de verdayê û kewtê serra çarine. Biciwîyo miletê Kurd û ziwanê Kurdkî."