Rêxistina Heqanê Merdiman ya Kurdîstanî, derheqê rewşa girewteyanê sîyasîyan ê Kurdan ê Rojhelatê Kurdîstanî de malumat pare kerd. Ame qeydkerdene ke girewteyo sîyasî yo Kurd Naîb Eskerî, vera zext û zilmê zindananê Îranî de lewê xo deşt û dest bi grevê veyşanî kerdo.
Ame vatene ke heqê pêvînayîşê keyeyî yê girewteyê sîyasîyî deste ey ra ameyo girewtene û seba ke reaksîyon nîşan bido dest bi grevê veyşanî kerdo.
Naîb Esker o ke bajarê Urmîye yê Rojhelatê Kurdîstanî ra yo, 24ê Adara 2021î de hetê hêzanê dewleta Îranî ra ame destbend kerdene û ame şawitene Zîndanê Urmîye.
Hetê Dayîreyê Dîyinî yê Mehkemeya Şorişî ya Urmîye ra, Naîb Eskerî rê 15 serrî ceza amey dayîş.
