ZAZAKÎ NEWS - Artêşa Îsraîlî eşkera kerd ke înan hewa ra hêrişêk viraşto û dekewtişê awanîya Sererkanîya Pêroyî ya Sûrîye ameyo pirodayîş.
Serekwezîrê Îsraîlî Benjamin Netanyahu vere cû eşkera kerdbi ke beno ke ê hêrişanê xo yê Sûrîye hîna hîra bikerê.
Artêşa Îsraîlî, bade vatişanê Netanyahuî, Sûrîye kerd.
Vatoxê Artêşa Pawitişî ya Îsraîlî (IDF) Avichay Adraee hesabê xo yê X'yî ser o eşkerayîyêk da û va, “Artêşa Îsraîlî Şam de da dekewtişê awanîya Sererkanîya Pêroyî ro.”
Eşkerayîyêka bîne ya artêşa Îsraîlî de ame vatiş ke hediseyê Sûrîye nizdî ra yenê teqîbkerdiş.
Eşkerayîye de ame vatiş ke, “Artêşa Pawitişî ya Îsraîlî teqîbkerdişê hedîseyanê herêma Sûrîye domnena. Goreyê rewşe, qerar ameyo dayîş ke hûmara hêzan a xeta herêma ewleyîye ya sinorê Sûrîye ser o bêro zêdekerdiş.”
Artêşa Pawitişî ya Îsraîlî peynîya eşkerayîya xo de wina va:
“Seba ke ewleyîya şarê Îsraîlî bêro ca, Artêşa Pawitişî do hem hetê pawitişî ra hem zî heTê hêrişî de çalakîyanê xo bidomno.”
