Şeredarîya Amedî ya Şaristanê Girdî, 5ê Hezîrane Roja Derûverî ya Dinya de Amed de kampanyaya pakîye dana destpêkerdene. Kampanyaya ke bi zaf ziwanan ameya hazirkerdene, do cîya-cîya çalakî bêrê kerdene.
Şaredarîya Amedî ya Şaristanê Girdî, 5ê Hezîrane Roja Derûverî ya Dinya de Amed de kampanyaya pakîye dana destpêkerdene ke bala şarî bianca pakîye ser o. Kampanyaya ke Serekîya Daîreya Kontrol û Pawitişê Derûverî bi şaredarîyanê qezayanê merkezî 5ê hezîrane saete 10.00î de Meydanê Berê Koyî de dest pêkena.
Tîşort, şewqa û vilawekî do bêrê vilakerdene
Çalakî de Hemşaredarê Sûr, Yenîşehîr, Baglar û Kayapinarî, endamê meclîse, emcumenê daîmî, sekretero pêroyî, hetkarê sekreterî, serekê daîreyan do beşdar bibê. Beşdarî do tîşort, şewqa û vilawekî bêrê vilakerdene.
Verê wendekaran rê
Kampanya de Cadeyê Hatboyu de saete 13.00 de, Parka Rojava de zî saete 15.00î de nê tewir çalakî do bêrê kerdene.
Verê wendekarê lîse û mektebo mîyanên do bêrê teşfîkkerdene û wendekarê unîversîte, rêxistinê sivîlî, muxtarî, komel û merdimê dînî zî do destek bidê.
Ez amed ra hes kena leymin nêkena
Kampanya de bi tirkî, kurmancî û zazakî sloganê “Ez amed ra hes kena leymin nêkena” yenê xebitnayene.
Filmêka daşinasnayîşî ameye hazirkerdene
kampanya de şaristanî ra bi însananê cîya-cîyayan fîlmêka daşinasnayîşî ameye hazirkerdene. Fîlme de weşanger, nuştox, muzîsyen, aktîvîsît, dengbêj, dayîka aştî, merdimê dîndarî û temsîlkarê rêxistinanê sivîlan û sewbîna zî bi keldanî, ermenî û suryanî zî însanê ma fîlme de ca gênê. Bi no hewa zaf reng û ziwanîya şaristanî ameye mojnayene. Fîlme do keyepelê şaredarî, ekrananê ledan û medyaya sosyale de zî bêra vilakerdene.
Hetkarê Sekreterîya Pêroyî yê Şaredarîya Bajarê Girdî yê Amedî Reşat Bakan û serekê daîreyanê weşîye, îtfaîye û zabitayî, plansazî 5ê Hezîrane Roja Derûverî yê Dinya de Kampanyaya akakîye hazir kerd hemkaranê kampanya reyde pare kerd.
