ZAZAKÎ NEWS - Kombîyayîşê şeşin yê ‘Komîsyonê Paştîdayîşê Mîllî, Birayîye û Demokrasî’ yo ke Meclîs de ameyo ronayîş, dest pêkerd û komîsyon ewro serekanê tay baroyan goşdarî keno.
Kombîyayîşê şeşine yê komîsyonî dest pêkerd. Endamê komîsyonî do ewro serekê tay baroyan goşdarî bikerê.
Nameyê ke komîsyon do goşdarî bikero nê yê:
Serekê Yewîya Baroyan a Tirkîya Erinç Sağkan
Serekê Baroya Anqara ya Nimre 2yîne Gökhan Aydemir
Serekê Baroya Çolîgî Yusuf Ketenalp
Serekê Baroya Dîyarbekirî Abdülkadir Güleç
Serekê Baroya Hatayî Hatay Tut
Serekê Baroya Îstanbulî ya Nimre 2yîne Yasin Şanlı
Serekê Baroya Meletîye Onur Demez
Serekê Baroya Mêrdînî Ahmet Duyan
Serekê Baroya Mersînî Gazi Özdemir
Serekê Baroya Sêwasî Fatih Sevim
Serekê Baroya Wanî Sinan Özaraz
Kurtulmuş: Xebatê qanûnî mecbûrî yê
Serekê Meclîsî Numan Kurtulmuşî destpêkê kombîyayîşî de qisey kerd û va, semedê averşîyayîşê prosesî gereka xebatê anûnî bêrê kerdiş û wina dewam kerd: “Ma fîkîrîyenê ke tewr verî baroyan ra, camîaya huqûqî ya Tirkîya ra feyde bigîre.” Kurtulmuşî da zanayîş ke înan waşto ke Tirkîya ra pêro baroyî bêrê kombîyayîş la fîîlen no mûmkîn nêbîyo.
Kurtulmuşî ard vîrî ke wezîfeyê komîsyonî girewtişê razîbîyayîşê şarî yo û va, “Gerek ma pêro, gama ke ma qiseyanê ke vanê rê zaf dîqet biker û bi wayîrvejîyayîşê prosesî, paştîdayîşê rayaumûmîye zêde bikero.”
Kurtulmuşî va, “No model, yew modelo ke Tirkîya rê xas o” û da zanayîş ke, wextêko kilm d, mîyanê 9 aşman de mesafeyêko zaf gird ameyo girewtiş.
