Dewa Bamitnî ya Licê de vizêr şewat vejîyabi û şewat game bi game vila bibi.
Dewanê Gom û Bamitnî yê qezaya Licê ya Amedî de vizêr serê sibayî şewat vejîya. Rîyê mudaxaleyê kêmî ra saetanê şanî de şewat resa dewa Antakî. Bi mudaxaleyê ekîban û dewijan şewat vera sibayî ame hewnakerdiş.
Ame zanayîş ke şewato ke ame hewnakerdene, dewa Bamitnî de newe ra dest pêkerdo.
Dîmenê ke dewijan antî de yeno vînayîş ke erazî ra duman beno berz. Dewijan vat şewat saetêkî verî dest pêkerd û selahîyatdaran mudaxale nêkerdo.
