Nuştox, cigêrayox û ronayoxanê Grûba Xebate ya Vateyî ra M. Malmîsanij Dîyarbekir de derheqê serebûtanê Nuştişê Kirmanckî (Zazakî) de qisey kerd.
Dezgeyê Edebîyatî yê Wêjegeh Amed û Weşanxaneyê Vateyî Dîyarbekir de M. Malmîsanijî mêman kerd û Malmîsanijî tecrube û zanayîşê xo are kerd.
Malmîsanijî destpêkê qiseykerdişê xo de qalê destpêkerdişê nuştoxîya xo kerd.
Badê zî bi serabûtanê ey tarîxê rêça edebiyatê Zazakî ser o qisey kerd û zanayîşî dayî.
Malmîsanijî çi derheqê zazakîya ewroyine çi zî derheqê tarîxê Zazakî de wayîrê yew zanayîşê xorînî yo û seba payramendiş û averdeberdişê Zazakî bi serrano ke xebîtîyeno.
M. Malmîsanijî serra 1996î de Swêd de mîyanê ronayoxanê Grûba Xebate ya Vateyî de ca girewto û tewr peynî Unîversîteya Artukluyî ya Mêrdînî ra teqawût bîyo û bi serrano ke Ziwanê Kurdkî (Zazakî Kurmanckî) rê xizmet keno.
