ZAZAKÎ NEWS -Deyîrbazo Pîranij Mehmet Atlıyî derheqê vîrameyîşê xo de wîna va : “ Swêd de, ver bi peynîya yew konserî, mi va: "Ma ma êdî konserê xo biqedîne? Erey bîyo, beno ke kesê ke wazenê şêrê keyeyê xo, est bê." Mîyanê qerebalixî ra, mîyanê tarîtîye ra embazêkê ma yo mihacîr, belkî zî yew koçberî va: "Keyeyê ma çin o."
Yew vateyo ke mi yew fîlozofî ra wendbi, ame vîrê mi: "Ziwan keyeyê ma yo." Kurdkî (Zazakî-Kurmanckî) keyeyê ma ya. Ma kura ra şêrê zî, ma ê keyeyî bi xo reyde benê û her tim ey bedilnenê. Êdî pabesteyê yew cografyaye nîyo, bi yew cografya zî nêno tarîfkerdene. Kurdkî kura de bê, konsero kurdkî kura de bêro viraştene, edebîyatê kurdkî û şîîra kurdkî kamca de veng bidê, uca êdî beno "Keyeyê Kurdkî".