Hunermendî Maviş Güneşer û Mehmet Atlı, 29ê gulane roja çarşeme, Merkezê Kulturî yê Dêrsimî de pîya vejîyenê heskerdoxanê xo vera û deyîranê Kirmanckî/Zazakî vanê.
Maviş Güneşer waşt wa şarê Dêrsimî înan tena nêverdo û bêro deyîranê ziwanê xo goşdarî biko.
Konsêr saete 20.00 de dest pêkeno û kesê ke wazenê bilêtan bigîrê eşkenê TÎYA ra nika ra bilêtanê xo bigîrê.
Rojena Gimgim de konsêr
Maviş Güneşer û Mehmet Atlı rojêk badê zî qezaya Muşî Gimgim (Varto) de pîya konserêk danê.
Mehmet Atliyî hesabê xo yê instagramî ser ra aşkere kerd ke, gorêyê programê 30 serrîya karê xo yê muzîkî, Mavîş Güneşer reyde şino Gimgim û oca de pîya konserêk danê.
Konserê Gimgimî bi hetkarîya Federasyonê Komelan ê Vartoyî ra yeno organîzekerdiş û Merkezê Kulturî yê Vartoyî de yeno dayene.
Mottoyê Konsêrî / Motto of the Concert: "Se vajî ka se vajî?"
Kesê ke qayîlê şêrê konserî eşkenê TÎYA ra bilêtan bierînê.
Zazakî News
