Emîne Ocak, sembolanê Mayanê Şemeyî ra yewe, ewro bi yew merasîmo ke Meydanê Galatasarayî de virazîya, amey oxirkerdene. Ocak, a ke 27ê Gulana 1995î ra nata seba lajê xo yê vîndîkerdeyî tekoşîn kerdêne, 89 serrîya xo de wefat kerd. Meydano ke serranê dergan ra qefelnaye bi, seba merasîmê aye ame akerdene.
Meydanê Galatasarayî ke serra 2018î ra nata seba Mayanê/Merdimanê Şemeyî qefelnaye bi, ewro seba merasîmê cenazaya Emîne Ocake ame akerdene.
Tirmê aye ke bi şalika sîya amebî piştene, hetê keye, merdim, heskerdoxanê aye û embazanê aye yê tekoşînî ra bi qerenfîlanê sûrî ameye xemilnayene. Girseyî bi diruşmeya "Ma tîya yê, Dayê" xatirê xo ey ra waşt.
Kênaya Emîne Ocake, Masîde Ocake, merasîm de qisey kerd û wina va: "Maya mi, ti ne tena zereyê ma de, zereyê bi mîlyonan kesan de zî bîbî hêvî. Mîyanê dejî de vînayîşê hêvîye û rojanê tarîyan de payan ser o mendene, bi saya to mumkin bi. Ti her tim serberz bîya. To tena dejê xo ney, dejê kesê ke înan rê neheqîye ameya kerdene û ameyî vîndîkerdene zî girewt xo milî ser. Ma binê versîya to de bîyî pîl. Xorînîya çimanê to de.”
