ZAZAKÎ NEWS - Dêrsim de, Zîyaretgehê Gola Çetûyî yo ke Çemê Pulemurîye û Çemê Munzurî tede resenê pê, û hetê Elewîyan ra bimbarek yeno qebulkerdene de xeylê kesî ameyî têlewe. Şarê Dêrsimî na roje pîroz kerd û uca de çirayî tafînayî û nîyaz vila kerdî.
Goreyê îtîqadê Elewîyanê Dêrsimî, dima aşma Sibate, ya ke zey “Aşma Xizirî” yena zanayîş; hîrê çarşemeyê verênî yê aşma Adare sey “Çarşemeyo Sîya” yenê qebulkerdene. “Çarşemeyo Şîya” eynî wext de mijdanîya wisarî dano.
Nê rojan de zereyê keyeyan, zîyaretgehan û cayanê pîrozan de çirayî yenê tafînayene, nîyaz û loqmeyî yenê vilakerdene û seba wedarnayîşê xirabîyan duayî yenê wendene. Heman wext de, bi awa paka ke çimeyan ra yena girewtene, keyeyan pak kenê. Goreyê na bawerî, şar hêvî keno ke bi nê rîtuelan serrêka weş bivîyarnî.
Welatîyê Dêrsimî yê ke Zîyaretê Gola Çetûyî de ameyî pêser, daayî waneî.
