ZAZAKÎ NEWS - Heta nika tena astengdarê ke tayê şertî ardêne ca, eşkayêne muafîyetê ÖTVyî ra îstîfade bikerê. Bi sererastkerdişê neweyî yo ke Heyetê Pêroyî yê TBMM (Meclîsî) de ame qebulkerdene, no çarçewe hîra bi.
Sererastkerdişo newe çi yo?
Kesê ke semedê astengdarîya ortopedîke ra derheqê înan de qerarê 'nêeşkeno belgeya şofêrîye bigîro' ameyo dayene û oranê astengdarîya înan %40 û zêdeyêr o, êdî 10 serran de reyêk do bieşkê wesayîtêkê bê-ÖTVyî bierînê.
Halê nîkayînî de kamî eşkenê bierînê?
Sererastkerdişo nîkayîn de, kesê ke oranê astengdarîya înan %90 û cêr o, mîyanê lîmîtanê fîyetî yê bewlîkerdeyan de, bêwaştişê şertê yew sîstemo xusûsî (teçhîzatê taybetî) wesayîtêkê bê-ÖTVyî erînenê. Astengdaranê ke oranê înan mabênê %40 û %89î de yo rê zî wesayît de mecbûrîyetê sîstemêkê (teçhîzat) xusûsî esto.
Qedexe yo ke wesayîtê ke çarçeweyê muafîyetî de yenê erînayene, demêko bewlî ra verî bêrê rotene. Eke wesayît verê vîyartişê nê wextî bêro rotene, ÖTV peyser yeno girewtene.
Sînorê fîyetî çiqas o?
Goreyê qerarê ke 1ê Çeleyê 2026î ra nat vîyareno; seba ke welatîyî muafîyetê ÖTV û MTVyî ra îstîfade bikerê, ganî bedelê rotişî yê wesayîtî (pêro bacî zî tede) 2.873.900 TLyî ra tayêr (bin de) bo. Teberê nînan de, seba wesayîtan mecbûrîyeto zî ame eştene ke tewr tay %40 yê parçeyanê înan ganî mîlî bibê.
Kamcîn marka û modelî munasîb ê?
- Togg: T10X, T10F
- Fiat: Egea Sedan, Egea Cross
- Renault: Clio, Megane Sedan, Duster
- Toyota: Corolla, Corolla Hybrid, C-HR
- Hyundai: i20, Bayon