ZAZAKÎ NEWS - Mesûd Barzanî, ewro 21ê Çeleyê 2026î roja Çarşemeyî, dawetêkê resmî ser o zîyaretê Îtalya keno. Pawîyêno ke Barzanî Vatîkan de bi Papa Leoyê 14. û rayedaranê Îtalyanan reyde pêvînayîş bikero.
Çarçeweyê zîyaretî de Wezîrê Resayîş û Îrtîbatî yê Herêma Kurdîstanî Ano Cewher zî do Barzanîyî reyde bibo.
Armancê zîyaretê Barzanî yê Îtalya, xurtkerdişê têkilîyanê mabênê Kurdîstan û Vatîkanî yo.
Herêma Kurdîstanî de Xirîstîyan, Misilman, Êzîdî û mensûbê bawerîyanê bînan mîyanê aştîye de pîya cuwîyenê û sey merkezê pîyacuwîyayîşê bawerîyan û aştîye yê Rojhelatê Mîyanênî yo.
Papa Leoyê 14., 1 mîlyar û 400 mîlyonî ra zêdeyêr Xirîstîyananê Katolîkan temsîl keno.
Pawîyêno ke Barzanî bi rayedaranê berzan ê Îtalya reyde zî pêvînayîşanê sîyasîyan virazo û têkilîyê mabênê Kurdîstan û Îtalya ser o bêro qiseykerdiş.
Texmîn beno ke; averşîyayîşê Rojhelatê Mîyanênî, hêrişê grûbanê çekdaran ê pabesteyanê Artêşa Ereban ê Sûrîye yê ke vera Kurdanê Rojava benê, qetlîamê ke qewimîyenê û kiştişê birayanê Kurdan do bibê maddayanê bînan ê rojdemê pêvînayîşan.