Komîteya Festîvala Xoza û Kulturî ya Munzurî programê Festîvala Munzurî vizêr aşkere kerdbi.
Festîvala Kultur û Xoza ya Munzurî ya 21. emser mabênê 2-6ê Tebaxe de do bêra kerdene.
Serekê Beledîyaya Dêrsimî Fatîh Mehmet Maçoğluyî vano, “Ma semedê Festîvale muracatê xo kerdo. Ma do emser Festîvale virazê. Wa Festîval nika ra xêyrîn bo ”
Programê Festîvale ke do 4 rojî dewam biko zî îna yo;
3yê Tebaxe
* Festîvale bi qiseykerdişê Şaredarê Dêrsimî Fatîh Mehmet Maçoglu û Parlamentera Dêrsimî ya Partiya Çep a Keske Ayten Kordû do dest pêbiko. (13.00)
* Kûçeyê Hunerî de bi nameyê “Elewitî û Dewlet” do panelek bêro dayene. (14.00)
* Bi nameyê “Hedîseyê xoza: Zelzele!” do panelêk bêro dayene. (17.30)
* Sûka Binerdî de do ramojnayîşê fotografan bêro akerdene. (19.00)
* Meydanê Seyîd Rizayî de kayê tîyatroyî yo bi nameyê Varvara-Simsime bêro kaykerdene (19.00)
* Erdal Erzîncan, Grûp Yorûm, Metîn-Kemal Kahraman, Ulaş Delî, Mûsa Bakî, Mengene, Hakely feat. Ensenble Cubafonica (Koma Muzîkî ya Kubayî) do konseran bidê. (19.00)
* Sûka Binerdî de do belgefîlmê “Domanê 38” bêro mojnayene. (21.00-22.00)
4ê Têbaxe
* Kûçeyê Hunerî de bi nameyê “Bîyayîşê Siyasî û Rojdemî” panelêk do bêro dayene.(13.00)
* Kûçeyê Hunerî bi nameyê “Ber bi ber kilamê Kirmanciye” zîyafetê muzîkî bêro dayene (17.00)
* Meydanê Seyît Rizayî de kayê “Karmend” yê Koma Tîyatroyî ya Şaredariya Dêrsimî do bêro kaykerdiş. (18.45)
* Konserê Koma Îsyan Ateşî û Pinar Aydinlar do bêrê dayene (19.30)
* Kilmefîlmê derhêner Ugur Yeşilî yo bi nameyê “Xo Vira Meke” û belgefîlmê derhêner-rojnameger Hüseyin Yaşar Sezginî yo bi nameyê “Dest mene Dêrsim” do bêro mojnayene. (20.00-21.30)
5ê Têbaxe
* Pulur de do raşteyê Madenî yê Cevîzlîderî bêro zîyaretkerdiş. (11.00)
* Bi sernameyê “Bîyayîşê sîyasî, azadîya çapemenî û medya” do panelêk bêro dayene. (17.30)
* Meydanê Seyîd Rizayî de ramojnayîşê tîyatroyî (17.00- 19.00)
* Meydanê Seyît Rizayî de hetê Grup Vardiya û hunermendanê mehelîyan ra do konserêk bêro dayene. (19.30)
* Do Sûka Binerdî de fîlmê “Zonê Ma Koti yo” bêro mojnayene. (21.30-22.30)
6ê Têbaxe
* Kûçeyê Hunerî panelê bi sernameyê “Dêrsimê berardiş, problemê îkdîsadî û pêşniyarê çareserî” do bêro dayene. (13.00)
* Cinî do Kûçeyê Hunerî de bi mîkrofono serbest qisey bikê. (15.30)
* Parka Mamekî de do kayê domanan bêro kaykerdene. (19.00)
* Hasan Ali, Pervin Çakar, Yilmaz Çelik, Grup Munzur, Zeynep Bakşî û Apolas Lermî do Meydanê Seyît Rizayî de konserêk bidê. (19.30)
Heto bîn ra Festîvale de çend panelî, konsêrî û çend aktîvîteyê cîya bi cîyayî bêrê kerdene.
