Nuştox û Mamosteyê Zazakî Haci Ozkal dewa Pîrejmanî ya Pîranî ra yo. Hecî Ozkal mamosteyîya ziwanê franskî wenda. Wextêk mamosteyîya ziwanê franskî kerda la dima ra yeno surgunkerdene û sey her kurdêkî keweno hepis. Wexto ke hepisxane de beno bi saya embazanê xo fikirîyeno ke verê xo bido ziwanê Kurdkî û dest bi xebatanê ziwanê xo keno.
Nuştox Haci Ozkal ke xeylê wextî yo xebatanê ziwanî de ca gêno, xeylê berhemê ey est ê. Haci Ozkal seba averşîyayîşê Zazakî xebatanê arêkerdoxîye û edebîyatî keno û nê xebatan kitabxaneyanê ziwanhesan de vêşî keno. Xeylê xebatê Ozkalî sey Ferheng, Vateyê Verênan, Gramer û Rastnuştişî est ê.
Haci Ozkal do 27ê kanûne de Amed de Merkezê Kutur û Kongreyî yê ÇandAmedî de programê daşinasnayîşê setê kitabanê xo bikero û wendoxanê xo reyde bêro têhet.
